विरगंज। बलिउडमा ड्रग्स कनेक्शनमा एनसीबीले एक पछि अर्को खुलासा गरिरहेको छ ।अहिलेसम्म अभिनेत्रीहरुको मात्र नाम जोडिएको भए पनि अब नायिकहरुसँगै चर्चित अभिनेताको नाम जोडिएको छ ।बलिउडकी चर्चित अभिनेत्री दीपिका पादुकोण, श्रद्धा कपूर, सारा अली खान र रकुल प्रीत सिंहको नाम जोडिएपछि अब एकैपटक चार जना अभिनेताको नाम ड्रग्स कनेक्शनमा जोडिएको हो ।

भारतीय सञ्चारमाध्यमका अनुसार एनसीबीले गरेको अनुसन्धानमा शाहरुख खान, रणबीर कपूर, अर्जुन रामपाल र डिनो मोरियाको नाम जोडिएको हो ।भारतीय सञ्चारमाध्यमहरुले एनसीबीका अधिकारीको श्रोत खुलाउँदै अर्जुन रामपालले शाहरुख खानलाई ड्रग्स सप्लाई गर्दै आएको कुरा बताएको छ ।

बलिउड अभिनेताहरुको नाम लिँदा ती अधिकारीले ए, डी, आर र एस कोडमा नाम प्रयोग गरेको र ‘ए’ को अर्थ अर्जुन रामपाल, ‘डी’ को अर्थ डिनो मोरिया, ‘आर’ को अर्थ रणवीर कपूर र ‘एस’ को अर्थ शाहरुख खान भएको दाबी गरिएको छ ।यसबारेमा थप अनुसन्धान भइरहेको एनसीबीले जनाएको छ ।

गत जून १४ मा बलिउड अभिनेता सुशान्त सिंह राजपूतले बान्द्रास्थित आफ्नै घरमा झुण्डिएर आत्महत्या गरेका थिए । त्यसपछि उनको आत्महत्या प्रकरणमा भएको अनुसन्धानमा ड्रग्स केस जोडिएपछि एनसीबीले अहिले ड्रग्स एंगल्सको अनुसन्धान गरिरहेको छ ।

एजेन्सीको सहयोगमा