बिरगंज , असोज ११ गते आइतबारÏ ।
सामुदायिक सेवा केन्द्र तथा सामुदायिक प्रहरी सेवा केन्द्र छपकैया-२ पर्साले आज सम्मान तथा बिदाइ कार्यक्रमको आयोजना गरेको छ ।
मिति २०७६/०३/२५ गते देखि करिब १५ महिना पर्सा जिल्लाको वडा प्रहरी कार्यालय बिर्तामा प्रमुख पदमा कार्यरत रहि यश क्षेत्रमा शान्ति सुरक्षा, अपराध अनुशन्धान तथा नियन्त्रण , अबैध चोरी तस्करी नियन्त्रण , प्रहरी काम कार्वाही निस्पक्ष , व्यवसायिक ,ईमान्दारी , अनुसाशित र जिम्मेवारी पुर्ण रुपले उच्च मनोबलका साथ कार्य सम्पादन गर्दै कोरोना भाईरस ( कोभिड -१९ ) महामारीको नियन्त्रणमा देखाउनु भएको सक्रियता सराहनीय रहेको भन्दै प्रहरी निरीक्षक निर्मल पनेरुलाई एक कार्यक्रम बीच सामुदायिक सेवा केन्द्र तथा सामुदायिक प्रहरी सेवा छपकैया -२ पर्साका अध्यक्ष हाजी ग्यासुदिन ठकुराईको नेतुत्वमा गएको टोलिले प्रहरी कार्यालय परिसर मै पुगि मायाको चिनोले सम्मान गर्दै बिदाई समेत गरेको थियो ।
प्रहरी निरीक्षक पनेरु १५ महिना सेवा गरि वडा प्रहरी कार्यालय बिर्ता बाट सरुवा भैइ सिआईबी अफिस काठमाडौंमा जान लाग्नु भएको अध्यक्ष ठकुराईले बताउनु भयो । 
सम्मान तथा बिदाई कार्यक्रममा सामुदायिक सेवा केन्द्र तथा सामुदायिक प्रहरी सेवा केन्द्र छपकैया-२ का सचीव प्रबिण बिक्रम शाह , कोषाध्यक्ष श्रीमती प्रेम कुमारी सिंह , सदस्य अजित कुमार भुजेल , जेयाउल हक समानी , राईजिङ्ग बिरगंज नेपालका अध्यक्ष आरजु खान , प्रहरी बिट छपकैयाका प्रहरी सहायक निरीक्षक रामेस्वर प्रसाद यादव , प्रहरी हवल्दार देवेन्द्र पटेलको सहभागिता रहेको थियो ।
बिदाई कार्यक्रममा बोल्दै प्रहरी निरीक्षक पनेरुले आफू यश क्षेत्रमा करिब १५ महिना यहाका जनताहरुको सेवा गर्न पाएको धेरै खुशी लागेको र यहाका जनताहरुले गरेको माया र सहयोग कहिल्यै नभुल्ने र सधै बिरगंजवासीलाई सम्झी रहने बताउदै सामुदायिक सेवा केन्द्र छपकैयालाई विशेष धन्यवाद गरेका थिए ।
