काठमाडौं । मिसलब ओसिसको ह्याट्रिक प्रेरित क्रोयसियन क्लब डिनामो जग्रेबले युइएफ च्याम्पियन्स लिग फुटबलमा एट्लान्टामाथि जित निकालेको छ । समूह सि अन्तर्गत सम्पन्न खेलमा डिनामो जग्रेबले एट्लान्टामाथि ४–० को जित निकालेको छ । डिनामोको जितमा ओसिसको ह्याट्रिकसँगै मरिन लियोभाले गोल गरे ।
घरेलु मैदानमा १० औं मिनेटमा लियोभाले गोल गरेका थिए । त्यसपछि ३१ औं मिनेटमा ओसिसले टोलीका लागि दोस्रो तथा व्यक्तिगत पहिलो गोल गर्दै अग्रता दोब्बर बनाए । ४२ औं मिनेटमा दोस्रो गोल गरेका उनले ६८ औं मिनेटमा ह्याट्रिक पूरा गरे । बाँकी समय एट्लान्टाले प्रयास गरेपनि गोल गर्न नसक्दा ४–० को लजास्पद हार ब्यहोरेको छ । जितसँगै डिनामो जग्रेब समूह सीको शिर्षस्थानमा छ ।
