बलात्कृत चेलीको वेदना र विद्रोह झल्काउने तीज गीत ‘बदला बरीलै’ सार्वजनिक भएको २ दिनमै युट्युब ट्रेन्डिङको शीर्ष स्थानमा उक्लेको छ।गीतको भिडियो अहिले युट्युबमा सर्वाधिक हेरिएकामध्ये नम्बर १ मा छ। गीतको ‘भ्युज’ सोामबार साँझसम्ममा १० लाख नाघेको छ। गीतमा लोकगायक प्रकाश सपुतको शब्द÷संगीत र लोक गायिका देवी घर्तीको स्वर छ।

भिडियो निर्देशन पनि सपुतले गरेका हुन्। भिडियोमा नायिका केकी अधिकारी र ध्रुव कोइरालाको मुख्य अभिनय छ। समाजको ज्वलन्त मुद्दा, मौलिक रचना र जीवन्त प्रस्तुतीले गीतलाई सम्प्रेष्य बनाएको छ। गीतले बलात्कार जस्तो जघन्य अपराधको सिकार बन्न विवश महिलाको कथालाई लोक लयात्मक ढंगबाट प्रस्तुत गरिएको छ।