सेयर बजार निकै तल जान्छ कि भन्ने आम लगानीकर्तामा यसअघि निकै त्रास पनि थियो । यस्तो त्रासका बीच मंगलबार बजारले लगानीकर्ताको आत्मबल बढाउने काम गरेको छ । यसबीचमा वित्तीय प्रणालीमा पर्याप्त तरलता थपिएको छ । बैंकिङ प्रणाली तरलता सहज हुँदा ब्जाजदर पनि निकै सस्तो भएको छ । यसको सकारात्मक प्रभाव सेयर बजारमा पर्ने देखिएको छ । यसैगरी, अन्य उद्योगधन्दा पूर्णरुपमा नियमित सञ्चालन भइनसकेकाले पनि लगानी गर्ने पहिलो क्षेत्र सेयर बजार भएको छ । यसले पनि नेप्सेमा सुधार हुन सहयोग पुर्याएको हो ।
नागरिक लगानी कोष, एसियन लाइफ, सूर्या लाइफ, नेपाल लाइफ, नेसनल लाइफ इन्सुरेन्स, शिवम सिमेन्ट लगायत थप कम्पनीको भाउ १०% ले बढेको छ । यता, नेपाल पुनर्बिमा कम्पनी, ओरियन्टल होटेल लगायतका कम्पनीको भाउ भने उच्च प्रतिशतले घटेका छन् । सबैभन्दा धेरै हिमालयन डिष्टिलरीको ३ करोड ६४ लाख रुपैयाँभन्दा बढीको कारोबार भएको छ ।
