वीरगंज संजालवीरगंज । प्रधानमन्त्रीको सरकारी निवास बालुवाटार अगाडिकाे सडकमा आज पनि युवाहरूले प्रदर्शन गरेका छन् । कोरोनाभाइरस महामारी रोकथाम तथा नियन्त्रणमा सरकारले प्रभावकारी काम गर्न नसकेको विरोधमा स्वतस्स्फूर्त रूपमा उनीहरूले प्रदर्शन गरेका हुन् ।
हिजाे बुधबार पनि सरकारको कर ताकेता, लकडाउन र कोरोना भाइरस संक्रमणको बढ्दो विस्तारप्रति असन्तुष्टि जनाउँदै युवाहरूले बालुवाटार अगाडिकाे सडकमा प्रदर्शन गरेका थिए ।
सामाजिक सञ्जालमार्फत गरिएको आह्वान पछि भेला भएका युवाहरुले विभिन्न नारा लेखेका प्लेकार्ड बोकेर प्रदर्शन गरिरहेका छन् । उनीहरूले ‘कर के का लागि ? जनतालाई खै खाना ? बाँच्नलाई हाकाकार मरेपछि पीसीआर लगायतको नारा लेखिएका पोष्टरहरु बोकेर प्रदर्शन गरिरहेका छन् ।
युवाहरूले सडकका दुई किरानारामा समाजिक दुरी कायम नारा लगाइरहेका बेला प्रहरीले बल प्रयाेग गर्ने खाेजेपछि उनीहरू आक्रोशित भएका छन् ।
प्रदर्शनमा उत्रिएकाहरूलाई प्रहरीले पानीका फोहरा र लाठी हानेर तितरबितर बनाउन खाेजेपछि युवाहरू झनै आक्रोशित भएका छन् । त्यसपछि उनीहरूले समाजिक दुरी कायम नगरि नै प्रर्दशन गरिरहेका छन् ।
बिहीबार भने ४-५ राउन्ड अश्रुग्यास पनि हानिएको एक प्रदर्शनकारीले बताए । प्रर्दशनमा ठूलाे युवाहरू संख्या रहेकाले प्रहरीले नियन्त्रणमा लिन सकेकाे छैन । त्यहाँ प्रहरीकाे पनि ठूलाे उपस्थित छन् । युवाहरू पनि थपिन्दै गएका छन् भने प्रहरीले पनि जनाशक्ति थप्दै गएकाे छ ।
सरकारले हालै कोरोना रोकथाम र नियन्त्रण गर्न दश अर्ब रुपैयाँ खर्च भइसकेको बताएको थियो । उक्त रकम केमा खर्च भयो भन्ने प्रश्न उठिरहेका छन् । बुधबार संसदमा सांसदहरूले दश अर्ब केमा खर्च भएको सरकारले पारदर्शी ढंगले जवाफ दिनुपर्ने बताएका थिए ।
उक्त प्रश्नमाथि जवाफ दिएका प्रधानमन्त्री केपी शर्मा ओलीले अहिले कोरोनासँग लड्ने बेला भएको र हिसाबकिताब पछि सार्वजनिक गर्ने बताउनुभएकाे थियाे ।
