काठमाडौं | प्रहरी प्रधान कार्यालय, नक्सालले प्रहरी अधिकृतलाई कोरोना उपचार कोषमा रकम जम्मा गर्न निर्देशन दिएको छ। बुधबार प्रहरी प्रधान कार्यालय मानवस्रोत एवम् प्रशासन विभागले सिनियर र जुनियर प्रहरी अधिकृतलाई सातदेखि तीन दिनसम्मको तलब जम्मा गर्न निर्देशन दिएको हो।

बुधबार कोरोना भाइरस संत्रमण रोकथाम, नियन्त्रण तथा उपचार कोषमा रकम जम्मा गर्ने सम्बन्धमा प्रहरी वरिष्ठ उपरीक्षक दिपक थापाले पत्र काटेका हुन्।

देशभर लकडाउनको अवस्थामा रातदिन खटिरहेका सुरक्षाकर्मीलाई सरकारले अतिरिक्त भत्ताको घोषणा गरे लगत्तै प्रहरी प्रधान कार्यालयले भने उनीहरुकै तलब काट्ने निर्णयसहितको पत्र पठाएको हो। प्रहरी प्रधान कार्यालयको यो निणयको सामाजिक सञ्जालमा व्यापक विरोध भइरहेको छ।

पत्रमा प्रहरी सहायक निरीक्षकदेखि प्रहरी महानिरीक्षकसम्मले कोषमा रहक गर्नुपर्ने उल्लेख गरिएको छ।

पत्रमा हेर्नुहोस् कसको तलब कटि काटिन्छ ?