बारा | बारा जिल्लाको कलैया उपमहानगरपालिका वडा नं. १० मटिअर्वामा एक युवकले आफ्नै श्रीमतीको धारिलो हतियार प्रयोग गरी हत्या गरेका छन्।

मिति २०८२ असार १८ गते दिउँसो करिब ३ः१५ बजे ३५ वर्षीय बच्चा मियाँले घरायसी विवादका क्रममा आफ्नी २३ वर्षीया श्रीमती सहिना खातुनलाई कुटपिट गरी मासु काट्ने दाबले टाउको र गर्दनमा प्रहार गर्दै हत्या गरेका हुन्।

हत्या भएको सूचना प्राप्त हुनासाथ जिल्ला प्रहरी कार्यालय बारा र प्रहरी चौकी मटिअर्वाबाट खटिएको टोली घटनास्थलमा पुगेर प्रारम्भिक अनुसन्धानपछि बच्चा मियाँलाई पक्राउ गरेको जनाएको छ। घटनास्थलबाट हत्यामा प्रयोग गरिएको दाब समेत प्रहरीले बरामद गरेको छ। हाल पक्राउ परेका मियाँमाथि थप अनुसन्धान भइरहेको प्रहरीले जनाएको छ।