वीरगञ्ज | वीरगञ्ज उद्योग वाणिज्य संघको ४३औं वार्षिक साधारण सभा बुधबार वीरगञ्जमा सम्पन्न भएको छ। संघका महासचिव आशिषकुमार लाठले कार्यक्रम सञ्चालन गरेका थिए भने अध्यक्ष अनिलकुमार अग्रवालले सभाको उद्घाटन गरेका थिए।

सभामा वीरगञ्ज उद्योग वाणिज्य संघका पूर्व अध्यक्षहरू, विभिन्न संघसंस्थाका प्रतिनिधिहरू, उद्योगी व्यवसायी तथा पत्रकारहरूको उपस्थिति रहेको थियो।

कार्यक्रममा संघका पदाधिकारीहरूले आर्थिक प्रतिवेदन तथा वार्षिक कार्यक्रम प्रस्तुत गरेका थिए। संघका पूर्व अध्यक्षहरूले संघको उपलब्धि र आगामी योजनाबारे आफ्नो धारणा राखेका थिए।

सभाले संघको आगामी गतिविधि र उद्योग वाणिज्य क्षेत्रका सुधारका लागि महत्वपूर्ण निर्णयहरू गरेको छ। सहभागी उद्योगी व्यवसायीहरूले संघको गतिविधिप्रति सकारात्मक प्रतिक्रिया जनाएका छन्।