बारा । मनोज गुप्ता । बिश्रामपुर गाउँपालिका, वार्ड नम्बर ४, बलिरामपुरमा रहेको माईस्थान मन्दिरमा सरसफाई कार्यक्रम सम्पन्न भएको छ। यस कार्यक्रममा बिश्रामपुर गाउँपालिका, वार्ड नम्बर ४ का अध्यक्ष किशोरी साह तुरहाको अध्यक्षतामा मुसहर्वा प्रहरी चौकीका ईन्चार्ज वरिष्ठ सई रबिन्द्र साह र प्रहरी चौकीका प्रहरी जवान साथै गाउँका युवाहरूको सहभागिता रहेको थियो।

कार्यक्रमको उद्देश्य मन्दिर क्षेत्रलाई सफा र स्वच्छ राख्दै धार्मिक स्थलको महत्वलाई थप उजागर गर्नु रहेको थियो। स्थानीय युवाहरूले मन्दिर परिसरमा फोहोर उठाउने, झारपात सफा गर्ने, र पर्यावरणलाई हराभरा राख्न प्रयास गरेका थिए।

यस किसिमको सरसफाई अभियानले धार्मिक स्थलको संरक्षणमा महत्त्वपूर्ण भूमिका निर्वाह गरेको र यसले गाउँलेहरूलाई सामुदायिक एकता र स्वच्छतामा प्रेरित गरेको बताइएको छ।