वीरगंज |  कपिलवस्तुमा ट्रकमा मोटरसाइकल ठोक्किँदा एकजनाको मृत्यु भएको छ । दुईजना घाइते छन् । कपिलवस्तु नगरपालिका–७, धरमपनियामा मिनिट्रकमा मोटरसाइकल ठोक्किएर दुर्घटना भएको प्रहरीले जनाएको छ ।

सडकछेउमा बिग्रिएर बनाइँदै गरेको ना६ख ६४२३ नम्बरको मिनिट्रकको पछाडि लु८२प ८६२८ नम्बरको मोटरसाइकल ठोक्किएको थियो । दुर्घटनामा मोटरसाइकल चालक कपिलवस्तुकै शुद्धोधन गाउँपालिका–३, कटैयाभारीका २३ वर्षीय सन्तोष कहार गम्भीर घाइते भएका थिए । जिल्ला अस्पताल तौलिहवामा उपचारका क्रममा सोमबार (साउन २५) राति उनको मृत्यु भएको प्रहरीले जनाएको छ ।

मोटरसाइकलमा सवार कपिलवस्तु–७, पिपरहवाका ३२ वर्षीय शेषराम पासी र सोही स्थानका २५ वर्षीय दुर्गेश यादव घाइते छन् । रुपन्देहीको बुटवलस्थित चौराहा अस्पतालमा उनीहरूको उपचार भइरहेको प्रहरीले जनाएको छ ।