वीरगंज | विराटनगर– कोइराला परिवारले जेनजी आन्दोलनका क्रममा आगजनी र तोडफोड गरिएको विराटनगरस्थित कोइराला निवास मर्मतका लागि सरकारले दिएको बजेट नलिने भएको छ।

सरकारले तोडफोड र आगजनी गरिएको ऐतिहासिक कोइराला निवास मर्मत सम्भारका लागि दुई करोड रुपैयाँ विनियोजन गरेको थियो। सरकारले दिएको उक्त रकम नलिने डा. शेखर कोइरालाको सचिवालयले जनाएको छ।

उक्त बजेट विपन्न नागरिकहरूलाई दिन सचिवालयले आग्रह गरेको छ। संस्कृति, पर्यटन तथा नागरिक उड्डयन मन्त्रालयमार्फत पहिलो जननिर्वाचित प्रधानमन्त्री वीपी कोइरालाको घर भनेर विराटनगर ७ स्थित कोइराला निवासलाई सरकारले बजेट विनियोजना गरेको थियो।