वीरगंज । धनुषामा मोटरसाईकलले ठक्कर दिएपछि एक पुरुषको मृत्यू भएको छ । धनुषाको सबैला नगरपालिका वडा नं. १२ रघुनाथपुरबजारस्थित एक व्यक्तिको मृत्यू भएको हो । सबैला नगरपालिका वडा नं. १२ र वडा नं. १३ को सीमामा रघुनाथपुर बजारबाट तरकारी किनेर घर जाँदै गरेको स्थानीय रौदी ठाकुरलाई अज्ञात व्यक्तिले ठक्कर दिएर भागेको जनाईएको छ ।

घर फर्किने क्रममा मोटरसाईकलमा मलको बोरा लादेर जाँदै गरेको एक मोटरसाईकलले ठक्कर दिएर भागेको स्थानीयहरुले जनाएको छ । यद्यपी, मोटरसाईकलको नम्बर भने खुलेको छैनन् । पीडित परिवारसहित स्थानीयहरुले आईतबार साँझ करिब ७ः३० बजे नै भएको घटनापछि अहिलेसम्म लास उठाउन दिएका छैनन् । ठक्कर दिने मोसा चालकलाई पक्राउ नगरेसम्म लास उठाउन नदिने अडान लिएपछि अवस्था तनावग्रस्त बनेको हो ।

स्थानीयहरुले बीरेन्द्रबजार–महिनाथपुर सडकखण्ड जाम गरेर प्रदर्शन गरेको छ भने मोटो सँख्यामा प्रहरी परिचालन समेत गरिएको हो । ठाकुरको उपचारको क्रममा लैजाँदै गर्दा बाटोमै मृत्यू भएको जनाईएको छ । यता, मोटरसाईकल चालकलाई विभिन्न ठाउँमा लागेको सिसिटिभीको आधारमा खोजबिन सुरु गरिएको जनाईएको छ ।