वीरगन्ज । सामुदायिक प्रहरी सेवा केन्द्र कुम्हालटोलले साइबर अपराध सम्बन्धी प्रशिक्षण कार्यक्रमको आयोजना गरेको छ । वीरगन्ज -५ मा अवस्थित मुनलाइट स्कुलमा आयोजित सो प्रशिक्षण कार्यक्रममा प्रमुख अतिथी जिल्ला प्रहरी कार्यालय पर्साका महिला बालबालिका तथा जेष्ठ नागरिक सेवा केन्द्रका प्रहरी निरीक्षक मनिषा लौडारी ले स्कुलका कक्षा ८ र १० मा अध्ययनरत बिधार्थिहरु लाई वृत्तचित्र को प्रदर्सन गरि साइबर अपराध के के हुन ,
त्यसले गर्दा हुने समस्या ,हानि नोक्सानीहरु के कस्ता हुन्छन , त्यसको जरिवाना र सजाय हरु के कति छन र त्यसबाट कसरी जोगिन सकिन्छ भनी सामाधान हरुको बारेमा व्यापक रुपमा बताउदै प्रशिक्षण प्रदान गर्दै सम्पुर्ण बिद्यार्थीहरु लाई सचेत रहि सुरक्षित रहन आग्रह गरेका थिए । सो प्रशिक्षण को क्रममा वर्षा गुप्ता, शम्भु अर्याल, निकिता पाण्डे,निशान्त शर्मा, निकि सराफ लगायत बिद्यार्थीहरुले आआफ्नो प्रश्न, जिज्ञासा् हरु सोधेका थिए भने लौडारीले राम्रोगरी सम्झाएर सन्तुष्ट पारेका थिए ।
सामुदायिक प्रहरी कुम्हालटोलका बरिस्ठ उपाध्यक्ष सियाराम नेपाली को अध्यक्षतामा भएको सो प्रशिक्षण कार्यक्रममा मुन लाइट स्कुलका निर्देशक श्याम केसि , सामुदायिक प्रहरी कुम्हालटोलका उपाध्यक्ष सन्जु दहाल, सदस्य सावित्री भुमिहार, पब्लिक एफ एम का कार्यक्रम संयोजक लालबाबु सिंह , प्रहरी हवल्दार राजाराम साह , प्रहरी सहायक हवल्दार कुमार विक लगायतको सहभागिता रहेको थियो भने कार्यक्रमको सहजीकरण सचिव श्रवण बहादुर रायमाझिले गरेका थिए ।