वीरगंज । जिल्ला प्रहरी कार्यालय पर्साले बिलबिजकभन्दा बढी हार्डवेयर तथा लत्ताकपडाहरू लोड रहेको ट्रक र पिकअप नियन्त्रणमा लिएको छ । ट्रक र पिकअप वीरगञ्जबाट काठमाडौं तथा बुटवलतर्फ जाँदै गरेको छ भन्ने सूचनाका आधारमा प्रहरीले नियन्त्रणमा लिएको हो ।

प्रहरी टोलीले वीरगञ्ज महानगरपालिका–१५ गण्डकस्थित सडकखण्डबाट ना५ख ६९५९ नम्बरको मालबाहक ट्रक र प्रदेश ३–०१–०२२ च ३५५५ नम्बरको पिकअप गाडी रोकी जाँच गर्ने क्रममा बिलबिजकभन्दा बढी मालवस्तुहरू लोड रहेको भेटिएको प्रवक्ता प्रहरी नायब उपरीक्षक दिपक गिरीले जानकारी दिए ।

बिलबिजक शंकास्पद देखिएको हुँदा अन्दाजी मूल्य १ करोड ४३ लाख ६४ हजार २२ बराबरको ट्रक, पिकअप र लत्ताकपडा नियन्त्रणमा लिइएको छ । बरामद सामानहरू थप अनुसन्धान तथा आवश्यक कारवाहीका राजस्व अनुसन्धान कार्यालय पथलैयामा बुझाइएको प्रहरीले जनाएको छ ।