वीरगंज | इरानी राष्ट्रपति मसुद पेजेस्कियनले सोमबार आफूले सर्वोच्च नेता आयतल्लाह मुज्तबा खामेनेईसँग करिब सात घण्टा लामो बैठक गरेको बताएका छन् ।
यद्यपि, उनीहरूबीच बैठक कहाँ भएको थियो भन्नेबारे उनले स्पष्ट जानकारी दिएका छैनन् ।
गत मार्चमा खामेनेई सर्वोच्च नेता नियुक्त भएयता इरानी राष्ट्रपतिले उनीसँग भेट गरेको जानकारी दिएको यो दोस्रो पटक हो । अमेरिकी–इजरायली आक्रमणमा आफ्ना पिताको मृत्यु भएपछि उनी सत्तामा आएका हुन् । सोही आक्रमणमा घाइते भएको ठानिएका खामेनेई त्यसयता सार्वजनिक रूपमा देखिएका छैनन् ।
पेजेस्कियनले आफू र खामेनेईबीच जनताको जीविकोपार्जन, बजारको अवस्था, रोजगारी र मानिसहरूको आवासलगायत विषयमा छलफल भएको थियो ।
उनीहरूबीच ‘प्रतिबन्धका कारण सिर्जना भइरहेका समस्याहरू’का बारेमा पनि कुराकानी भएको राज्य सञ्चालित संचारमाध्यम आईआरआईबीलाई जानकारी दिँदै उनले बताए ।
पेजेस्कियनका अनुसार बैठकमा खामेनेईले एकतामा विशेष जोड दिएका थिए ।
“शत्रुका सबै योजनाहरू विभाजन सिर्जना गर्ने उद्देश्यले प्रेरित छन्,” पेजेस्कियनले भने, “हामीले विभाजन उत्पन्न हुन दिनु हुँदैन ।
