वीरगंज |  जनकपुरधाम– धनुषामा लगाइएको कर्फ्यू हटाइएको छ।

सुनसरीको देवानगञ्जमा दुई समूदायबीचको विवादलाई लिएर भएको प्रदर्शनपछि बिहीबार दिउँसो ३ बजेदेखि धनुषाका विभिन्न स्थानमा कर्फ्यू आदेश जारी भएको थियो।

उक्त कर्फ्यू शनिबार बिहान १० बजेदेखि हटाइएको छ भने निषेधाज्ञा जारी राखिएको छ। जिल्ला प्रशासन कार्यालय धनुषाले अर्को आदेश नभएसम्मका लागि जनकपुरधाम उपमहानगरपालिका, नगराइन नगरपालिका र लक्ष्मिनीया गाउँपालिकाको चारकिल्ला तोकेर निषेधाज्ञा जारी गरेको राखेको हो।

एकै ठाउँमा पाँचजना भन्दा बढी मानिस जम्मा हुन, सभा, जुलुस तथा प्रदर्शन गर्न नपाउने गरी स्थानीय प्रशासन ऐन, २०२८ को दफा ६ (३क) बमोजिम निषेधाज्ञाको आदेश जारी गरिएको छ।

निषेधाज्ञा आदेशको उल्लघंन गर्ने जो कोहीलाई नियन्त्रणमा लिई प्रचलित कानून वमोजिम कारवाही गरिने जिल्ला प्रशासन कार्यालय धनुषाले जनाएको छ।