वीरगञ्ज। सुधन गुरुङको पर्सा नाका भ्रमणपछि प्रहरीको ‘देखावटी कारबाही’को तयारी साच्चिकै भएको हो ? स्रोतका अनुसार गृहमन्त्री सुधन गुरुङको पर्सा भ्रमणलाई लक्षित गर्दै पर्सा प्रहरीले देखावटी कारबाहीको तयारी गरेको दाबी गरिएको छ।
स्रोतको भनाइअनुसार केही तस्करमार्फत भारतको रक्सौलमा राखिएका मयाद गुजरेका सामान नाका बाट नियन्त्रणमा लिएको देखाउने योजना बनाइएको छ।
त्यसपछि ठूलो परिमाणमा तस्करीका सामान बरामद भएको भन्दै प्रहरीको सफलताको प्रचार गरिने तयारी रहेको दाबी गरिएको छ।
स्रोतका अनुसार उक्त योजनाअन्तर्गत केही कबाडीबाट खरिद गरिएका मोटरसाइकलसमेत बरामद गरिएको देखाइने तयारी छ। तर, यस क्रममा कुनै व्यक्तिलाई पक्राउ नगर्ने योजना रहेको दाबी गरिएको छ।
त्यसैगरी, केही मधेसी प्रहरी कर्मचारीलाई कार्वाही सवरुप पर्साका विभिन्न सीमा नाकाबाट जिल्ला तान्ने तयारीसमेत यही योजनाको हिस्सा भएको स्रोतले जनाएको छ।
स्रोतका अनुसार भोलि बुधबार विशेष प्रहरी टोली पर्साका विभिन्न नाकाको अनुगमनमा आउने सूचनापछि त्यसको प्रभाव व्यवस्थापन गर्न यस्तो तयारी गरिएको हो।
