वीरगंज । सुनसरीको देवानगञ्ज घटनाप्रति दुःख जनाउँदै दुई पालिकाले शोक बिदा दिएका छन् ।
भोक्रानरसिंह र हरिनगर गाउँपालिकाले घटनामा दिवंगत भएका प्रति श्रद्धाञ्जली दिँदै घाइतेहरूको शीघ्र स्वास्थ्यलाभको कामना गरेका छन् । ती गाउँपालिका कार्यालयले सूचना प्रकाशन गरी मंगलबार शोक बिदा दिएका हुन् ।
हरिनगर गाउँपालिका अध्यक्ष गफार अन्सारीले घटनाको निष्पक्ष छानबिन हुनुपर्ने माग गरेका छन् । अन्सारीले विज्ञप्ति प्रकाशन गरी सामाजिक सद्भाव कायम राख्न पनि अपिल गरेका छन् । यसैगरी कोसी गाउँपालिकाले पनि शोक वक्तव्य जारी गरी मृतक परिवार प्रति समवेदना व्यक्त गरेको छ ।
घटनाको न्यायपूर्ण छानबिन हुनुपर्नेमा गाउँपालिकाले जोड दिएको छ ।
