पर्सा | राजन कुमार बानिया | ठाकुरराम बहुमुखी क्याम्पसमा हुन गईरहेको चैत ५ गते स्ववियु निर्वाचन का लागी नेपाली विद्यार्थी संघ (ने.वि.संघ) को तर्फ बाट चन्दन कुमार पटेलले प्रत्यक्ष तर्फ सदस्य पदमा आफ्नो उम्मेदवारी दर्ता गराएका छन्।
पटेलले ने.वि.संघको सिद्धान्त र संगठनलाई सशक्त बनाउन तथा विद्यार्थीहरूको हकहित सुनिश्चित गर्न आफ्नो उम्मेदवारी दिएको बताए।

उम्मेदवारी दर्तापछि उनले संक्षिप्त प्रतिक्रिया दिँदै भने, “विद्यार्थी अधिकारको रक्षा, गुणस्तरीय शिक्षाको पहुँच र ने.वि.संघलाई सशक्त बनाउने मेरो प्रतिबद्धता छ।

ने.वि.संघको यो निर्वाचन विद्यार्थी राजनीतिमा निकै महत्वपूर्ण मानिन्छ। विभिन्न पदका लागि प्रतिस्पर्धीहरू आफ्नो उम्मेदवारी दर्ता गराउँदैछन्।पटेलसहित अन्य उम्मेदवारहरू पनि मैदानमा उत्रिएकोले यो निर्वाचन प्रतिस्पर्धात्मक हुने अपेक्षा गरिएको छ।