वीरगंज | झापामा बुधबार बिहान तीन जना चढेको मोटरसाइकल जिपसँग ठोक्किँदा तीनै जनाको मृत्यु भएको छ।झापाको शिवसताक्षी–८ झिलझिलेमा दमकबाट सुरुंगा जाँदै गरेको मे ३ प ५००१ नम्बरको मोटरसाइकल र प्र.१–०१–००१ च ९३२९ नम्बरको जीप बिहान ५बजेतिर ठोक्किएको थियो।
दुर्घटनामा मृत्यु हुनेहरुमा झापाको कमल गाउँपालिका वडा नम्बर ४ का २५ वर्षीय मौसम राई, २० वर्षीय युनिक भण्डारी र १७ वर्षीय सरोज रेग्मी रहेका छन् ।
जिल्ला प्रहरी कार्यालय झापाका प्रहरी नायब उपरक्षिक कृष्णकुमार चन्दका अनुसार दुर्घटनामा गम्भीर घाइते भएका तीनै जनालाई उपचारका लागि बिएन्डसी मेडिकल कलेज लगिएकोमा चिकित्सकले तीनै जनालाई मृत घोषणा गरेका थिए ।
प्रराम्भिक अनुसन्धानका क्रममा ओभर टेक गर्ने क्रममा तीन जना सवार रहेको उक्त मोटरसाइकल विपरीत दिशाबाट तिब्र गतिमा आइरहेको जिपसंग ठोक्किएको प्रहरीले जनाएको छ । जिप र त्यसका चालकलाई प्रहरीले नियन्त्रणमा लिएको छ ।
मृतकको सनाखत हुन बाँकी छ। उनीहरू शिवसताक्षीकै भएको तर सनाखत भइनसकेको डिएसपी चन्दले जानकारी दिए।
