वीरगंज | प्रधानमन्त्री कप एकदिवसीय राष्ट्रिय प्रतियोगितामा मधेस प्रदेश त्रिभुवन आर्मी क्लबसंग पराजित भएको छ ।त्रिवि क्रिकेट मैदानमा सोमबार भएको खेलमा आर्मी क्लबसंग मधेस प्रदेश १२६ रनले पराजित गरेको हो ।

जितको लागि ३ सय २१ रनको लक्ष्य पछ्याएको मधेस ४८.४ ओभर खेल्दा १ सय ९४ रनमा अल आउट भएपछि खेल आर्मीले जित्यो।

मधेसका लागि पवन सरार्फले सर्वाधिक ६५ रन बनाए। त्यसअघि टस हारेर पहिला ब्याटिङको निम्तो पाएको आर्मीले निर्धारित ५० ओभरमा अलआउट हुँदै ३ सय २० रन बनाएको थियो। आर्मीका लागि विनोद भण्डारीले १ सय १३ रनको शतकीय इनिङ खेले।

त्यस्तै कोशी प्रदेशलाई ६ विकेटले पराजित गर्दै नेपाल एपीएफ क्लब लगातार दोश्रो जित हात पारेको छ। मुलपानी क्रिकेट मैदानमा जितको लागि १ सय ३६ रनको सामान्य लक्ष्य पछ्याएको एपीएफले १९.१ ओभरमा ४ विकेट गुमाउँदै पूरा ग¥यो। एपीएफको जितमा कप्तान रोहित पौडेलले ८० रनको इनिङ खेले। त्यसअघि टस हारेर पहिला ब्याटिङको निम्तो पाएको कोशी ४४.३ ओभरमा १ सय ३५ रनमा अल आउट भएको थियो। कोशीको लागि फिर्दोस अन्सारीले सर्वाधिक ५५ रनको योगदान दिए। एपीएफका रोहित पौडेलले ३ विकेट लिए।