बीरगन्ज
रातीको बेला मोटरसाइकल अनियन्त्रित भई बीरगन्ज महानगरपालिका वडा नं २५ मौजे श्रीशिया को नयाँ बनेको बाटोमा मोटरसाइकल ठोकिँदा एकजना युवाको मृत्यु भएको छ। ड्राइपोर्टमा आफनो डिउटी सकाएर घर फर्किने क्रममा मोटरसाइकल अनियन्त्रण भई एक बिजुलीको पोलमा ठोकिँदा घटना स्थलमै मृत्यु भएको छ।
मृत्यु हुने व्यक्ति छपकैया वडा नं १ का अन्दाजी बर्ष २४ का अमन पटेल रहेका छन। स्थानिय का अनुसार मोटरसाइकल को गति बढी भएको र टर्निङ न हेरिएको कारण मोटरसाइकल पोलमा ठोकिन गएको स्थानियले जानकारी गराएका छन।
मृत्यु हुने व्यक्तिले प्र.२-०३-०१७प ३९७२ नम्बरको होण्डा एसपी साइन मोटरसाइकल चलाउँदै गरेका थिए। मोटरसाइकल ठोकिँदा मृत व्यक्तिको साथमा पछाडि बाट आउँदै गरेका आफन्त ले मोटरसाइकल ठोकिएको हेरेपछि त्यहाँका स्थानिय व्यक्तिलाई बोलाई सहायता मंगेका थिए र प्रहरि चौकी सिर्सिया का प्रहरि लाई सम्पर्क गरेका कुरा प्रहरि चौकी सिर्सिया का नायब निरीक्षक टेक बहादुर कार्की ले जानकारी गराएका छन। घटना स्थलमा ट्राफीक प्रहरी ड्राइपोर्ट, वडा प्रहरी कार्यालय विर्ता का प्रहरी र वडा प्रहरी कार्यालय श्रीपुर प्रहरी निरिक्षक को घटना स्थलमा उपस्थिती रहेको थियो।