वीरगंज । सेवाग्राहीका चाप बढी हुने वीरगन्जका सरकारी कार्यालयहरुमा जनमत पार्टीले विभिन्न मागसहितकाे ध्यानाकर्षणपत्र बुझाएकाे छ । “बेथिति ,अनियमितता र घुसखोरी बिरुद्ध जनमत पार्टीको पहल” अभियान अन्तर्गत जनमत पार्टी निकटकाे युवा जनमत संघले सेवाग्राहीका गुनासा सम्बाेधनका लागि विभिन्न मागसहित शुक्रबार मालपाेत कार्यालय, नापी शाखा कार्रयालय र भूमी सुधार व्यवस्था कार्यालयमा छुट्टाछुट्टै ध्यानाकर्षण पत्र बुझाएको हाे ।
हरेक कार्यालयमा नागरिक वडापत्र भाेजपुरी भाषामा राख्नुपर्ने, कार्यालय अपांग ,महिला एवं जेष्ठ नागरिक मैत्री हुनुपर्ने ,सेवाग्राहीको काम छिटो छरितो र सहज ढङ्गले हुनुपर्ने , कार्यालयकमा विद्यमान बेथिति र अनियमितता अन्त्य हुनुपर्ने माग जनमतकाे छ ।
यी मागहरु सम्बोधन नभए जनमत पार्टी संघर्षमा उत्रिने चेतावनीसमेत दिइएको छ । ध्यानाकर्षण पत्र बुझाउने टोलीमा युवा जनमत संघ पर्साका संयोजक राजुराज गीरी, वीरगन्ज महानगर संयोजक संजय सिह,विद्यार्थी जनमत संघका जिल्ला संयोजक विवेक झा, युवा नेताहरु पवन ठाकुर ,सिकेश महतो, विशाल गुप्ता लगायतकाे सहभागीता थियाे ।
