वीरगंज । पर्साको बहुदरमाई नगरपालिकाका मेयर सिंगासन साह तेलीको चरण लापरवाहीका कारण बहुदरमाई नगरपालिका – २ पिपरा गाउँमा बहुदरमाई मन्दिर जाने सडकमा खसाइएको नालाको फोहरका कारण १० जनाभन्दा बढी स्थानीयहरू घाइते भएका छन् ।
वर्षाको कारण बिग्रिएको सडकलाई मर्मत गर्ने नाममा बहुदरमाई नगरपालिकाका मेयर सिंगासन साह तेलीको निर्देशनमा नालाबाट निस्किएको फोहर ल्याएर थुपारेपछि उक्त बाटो प्रयोग गर्ने १० जनाभन्दा बढी स्थानीयहरूको खुट्टा कटेको हो । बीच बाटोमै नालाबाट निस्किएको फोहर खसालेर नगरपालिकाले ठूलो लापरबाही गरेको स्थानीयहरुले आरोप लगाएका छन ।
नालाबाट निस्किने फोहरको उचित व्यवस्थापन गर्नुपर्नेको सट्टा सडकमा थुपारिँदा सो क्षेत्रमा बसोबासो गर्ने स्थानीयहरूको स्वास्थ्यमाथि पनि असर पर्ने युवा नेता चन्दन यादवको भनाई छ ।
