वीरगंज । सप्तरीमा चट्याङ्ग लागेर एकजनाको मृत्यु भएको छ । आइतबार बिहान करिब साढे ८ बजेको समयमा बर्षासंगै आएको चट्याङले खडक नगरपालिका १० बेलहा बस्ने ४७ वर्षीय उमाकान्त साहको मृत्यु भएको जिल्ला प्रहरी कार्यालय सप्तरीले जनाएको छ ।

आफ्नो खेतमा काम गरिरहेको अवस्थामा चट्याङ लागि घाईते भएका उनलाई तत्काल उपचारको लागी गजेन्द्र नारायण सिंह अस्पताल राजबिराजमा लगेकोमा ९ बजेको समयमा चिकित्सकले मृत घोषणा गरेको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

यस सम्बन्धमा थप अनुसन्धान भइरहेको जिल्ला कार्यालय सप्तरीले जनाएको छ ।