वीरगंज । तराई मधेशका जिल्लाहरूमा इस्लाम धर्मावलम्बीले मोहरममा आयोजना गर्ने ताजिया (दाहा) मेलाको रौनक देखिएको छ । इस्लाम धर्मका लागि ज्यानको आहुति (बलिदानी) दिने हजरत इमामे हसन र हजरत इमामे हुसेनको सम्झानामा यहाँका मुस्लिम सामुदायहरू इस्लामिक महिना मोहरममा ताजिया (दाहा) मेलाको आयोजना गर्दै आएका छन् । दाहा मेला मुस्लिम समुदायले लगाए पनि त्यसमा हिन्दु समुदायका व्यक्तिहरू उल्लेखनीय संख्यामा सहभागी हुने गर्छन् ।
जनकपुरधाम उपमहागरपालिका बन्धी, लक्ष्मीनिया गाउँपालिकाको सपही, महोत्तरीको जिलपुरालगायतका स्थानमा ठूला दहा (तजिया) मेलाको आयोजना गरिएको छ । ताजिया बनाउने चलन नेपाल, भारत, पाकिस्कतान, बगंलादेशसहितका मुलुकमा रहेको छ ।
दाहा मेलामा मुस्लिम समुदायका युवाहरूले विभिन्न प्रकारका कलात्मक खेलहरू प्रदर्शन गर्नेछन् भने महिलाहरूले इमामे हसन हुसेनको सम्झनामा गित गाउने गर्छन् । तर, पछिल्लो समय महिलाहरूले गति गाउने चलन हराउँदै गएको छ । मेलाको अन्तिम राम्रो खेल प्रर्दशन गर्ने खेलाडीहरूलाई तगमा (शिल्ड) वितरण गर्ने चलन रहेको छ । मोहरम महिनाको नवौँ दिन अर्थात् आज शुक्रबार पहिलो दिन मेलाको अन्य गाउँमा गएर खेलाडीहरूले खेल प्रर्दशन गर्छन् भने दोस्रो दिन आफ्नै गाउँकै मैदानमा गई खेलतमसा गर्छन् । सो स्थानलाई मुस्लिमहरूले करवला भन्ने गर्छन् । करवलामा दुई वा दुईभन्दा बढी ताजियाको मिलान अर्थात जोरा लगाइने चलन रहेको छ । इस्लामिक क्यालेन्डरअनुसार अहिले मोहरम महिना चलिरहेको छ । मोहरम इस्लामिक क्यालेन्डरको पहिलो महिना हो । मोहरम महिना इस्लामिक क्यालेडरअनुसार नयाँ वर्षको पहिलो महिना पनि हो ।यो महिनामा नै इस्लाम धर्मका प्रवक्ता हजरत मोहम्मद पैगम्बर (स.) का नाति हजरत हसन र हुसैनले इस्लाम धर्मको संरक्षणका लागि आफ्नो ज्यानका आहुती (बलिदानी) दिएका थिए । हजरत हसन र हुसैनले यहुदीहरूबाट धर्म संरक्षणको लडाइँमा शहीद भएका कारण उनीहरूकै सम्झनामा मुस्लिम समुदायले मोहरममा महिनामा तजिया बनाएर गम अर्थात् दुःख मनाउने गर्छन् ।
तर, इस्लामिक धर्मगुरुले तजिया नमनाएर पनि उनीहरूलाइ सम्झिन सक्ने बताउँछन् । खेलतमसा वा दाहा नै बनाए हसन हुसेनलाई सम्झनु गलत रहेको भन्दै इस्लामिक धर्मगुरु अहमद हुसेनले भने, ‘खेलतमसा उचित होइन । इस्लामले मोहरमा खेलतमसाको अनुमति दिँदैन । बरु यो महिनामा बढी भन्दा बढी धार्मिक तथा पुण्यको काम जस्तै रोजा बस्ने, फातिहा गर्ने, मिलादसहितको आयोजना गर्दा झन् राम्रो मानिन्छ ।’