वीरगंज । रामनिवास पटेल । पर्साको वीरगञ्जमा लामो समयदेखि सौतेनी बुवाले पटकपटक नाबालिका छोरीको बलात्कार गरेको रहस्य बाहिरिएको छ । वीरगञ्ज महानगरपालिका वडा नंं.३ छपकैया निवासी १५ वर्षीय नाबालिकाको बलात्कार भएको रहस्य बाहिरिएको हो ।
नाबालिकाकी आमाले नै श्रीमानले आफ्नी छोरीलाई पटकपटक जबरजस्ती करणी गरेको जाहेरी पर्सा प्रहरीमा दिएपछि घटना बाहिरिएको हो । महिलाले आफ्नो श्रीमानले छोरीलाई ११ वर्षको उमेरदेखि नै निरन्तर बलात्कार गरेको जाहेरी दिएकी छिन् । बालिकाका सौतेनी बुवा यहि वैशाखमा वैदेशिक रोजगारीमा गएपछि छोरीले घटनाको बारेमा जानकारी गराएपछि मात्र पीडितकी आमाले जिल्ला प्रहरी कार्यालयमा जाहेरी दिएको पर्साका प्रहरी प्रवक्ता प्रहरी नायव उपरीक्षक दिपक गिरीले जानकारी दिनुभयो ।
पीडित र अभियुक्त दुवै मुस्लिम समुदायका हुन् । पीडित बालिका अहिले आफ्नी आमाको साथमा रहेको प्रहरी नायव उपरीक्षक दीपक गिरीले बताउनुभयो । घटना विषयमा अनुसन्धान सुरु गरिएको र अभियुक्त नै बैदेशिक रोजगारीका लागि बाहिर रहेकाले आवश्यक कानुनी प्रक्रिया लागेको प्रवक्ता गिरीले जानकारी दिनुभयो । अन्र्तराष्ट्रिय प्रहरी संगठन इन्टरपोलको सहयोगमा अभियुक्तलाई पक्राउ गर्ने प्रक्रिया अगाडी बढाईने उहाँको भनाई छ । पीडित नाबालिकालाई मेडिकल जाचँको लागी पठाइएको पर्सा प्रहरीले जनाएको छ ।