वीरगंज । ट्रयाक्टर आफै अनियन्त्रित भएर दुर्घटना हुँदा सप्तरीमा एकजनाको मृत्यु भएको छ ।

सोमबार बिहान सप्तरीको बोदेबर्साईन नगरपालिका-३ को सारसर पूर्वारी टोलस्थित भित्री सडक खण्डमा सारसरबाट धनगढी तर्फ जाँदै गरेको गरेको प्र-२-०१-००१ त २५१७ नम्बर को ट्रयाक्टर आफै अनियन्त्रित भएर बाटोको बाँया पटी पल्टिँदा चालकोमृत्यु भएको हो ।

मृत्यु हुनेमा सोही नगरपालिकाको वडा नम्बर १ धनगढी बस्ने २२ वर्षीय पञ्कज यादव रहेको जिल्ला प्रहरी कार्यालय सप्तरीले जनाएको छ । सप्तरी प्रहरीका अनुसार यादवको घटनास्थलमानै मृत्यु भएको थियो । प्रहरीले घटनास्थलमा पुगेर मुचुल्का उठाई थप अनुसन्धानको प्रक्रिया अगाडि बढाएको छ ।