रुपन्देही । रुपन्देहीको सैनामैनामा बोलेरो र माइक्रोबस आपसमा ठोक्किँदा १० जना घाइते भएका छन् । बुधबार बिहान सैनामैना नगरपालिका २ स्थित झारबैरबाट बुटवलतर्फ आउँदै गरेको लु १ ख ८७८५ नम्बरको माइक्रो बस र कपिलवस्तुतर्फ जाँदै गरेको नम्बर नखुलेको बोलेरो आपसमा ठोक्किँदा दुर्घटना भएको थियो ।

दुर्घटनामा परी घाइते भएका मध्ये ४ जनाको अवस्था गम्भीर रहेको इलाका प्रहरी कार्यालय रन्यौराका प्रहरी हवल्दार रामचन्द्र केसीले जानकारी दिए ।

घाइतेहरूलाई उपचारका लागि लुम्बिनी प्रादेशिक अस्पताल बुटवल पठाइएको प्रहरीले जनाएको छ । घाइतेहरूको नाम खुल्न बाँकी रहेको प्रहरी हवल्दार केसीले बताए ।