वीरगंज । कर्णाली नदी छेउछाउका होटल व्यवसायी र पैदल यात्रुु बर्खाको कर्णाली नदीको धमिलो पानी पिउन बाध्य हुँदै आएका छन्। स्वच्छ खानेपानीको व्यवस्था नहुँदा अन्य विकल्प नभएपछि कर्णाली नदीको धमिलो पानी खानुुपर्ने बाध्यता आइलागेको हो। पैदल यात्रुुले दक्षिणी हुम्लाको कर्णाली नदीको छेउछाउमा पैदल यात्रा गर्दा धमिलो पानी पिउनुुपर्ने बाध्यता रहेको बताए। असारको बेला गर्मी धेरै हुने तर बाटोमा खानेपानीको व्यवस्था कतै नभएका कारण माटोको लेदो र बालुुवा भएको पानी पिउनुुपर्ने बाध्यता भएको हो।

यो समस्या बाजुुरा जिल्लासँगको सिमाना कवाडीदेखि खार्पुुनाथ गाउँपालिकाको छारेसम्म छ। बाढी–पहिरो जाने र हिमालको हिउँ पग्लने भएका कारण खोलानाला र नदीको पानी बाक्लो लेदोसहित धमिलो हुँदै आएको छ। खार्पुनाथ र सर्केगार्ड गाउँपालिकाको सिमाना छारेमा आठ वर्षदेखि होटल व्यवसाय सञ्चालन गर्दै आएकी बाटुुल्ली रावलले बर्सेनि बर्खाको बेला कर्णाली नदीको धमिलो पानी प्रयोग गर्दै आएको बताइन्। उनले पहिला खानेपानीको व्यवस्था भए पनि बाटो पर्ने भएका कारण आफूहरू होटल बन्द गरेर घर गएको बेला खानेपानीको लाइनमा आगलागी गरिदिएपछि पानी आउन बन्द भएकाले नदीको धमिलो पानी प्रयोग गर्दै आएको जानकारी दिइन्।

उनी सो पानी आफू मात्र नभई होटलमा आउने ग्राहकले खाना, चिया नास्ता जे खाए पनि सोही धमिलो पानी प्रयोग गर्ने गरेको बताइन्। कुुनै ग्राहकले आफूसँग भएको कपडाले छानेको पानी पिउने गरे पनि अधिकांशले भने केही नभनेरै सो पानी प्रयोग गर्दै आएका छन्। पानी पिउने मात्र नभई सरसफाइदेखि बाटो हिँड्ने पशुुवस्तुुले समेत उक्त पानी प्रयोग गर्नेपर्ने बाध्यता छ। छारे हुँदै दुुई सयभन्दा बढी मानिस र एक सयभन्दा बढी खच्चड आउजाउ गर्छन्। लाली स्वास्थ्य चौकीका इन्चार्ज धनबहादुुर बोहराले भरसक धमिलो पानी प्रयोग नगर्न र गर्नैपर्ने भए छानेर, उमालेर वा पीयूष प्रयोग गर्न सुुझाव दिए।