वीरगंज । सशस्त्र प्रहरीले भन्सार छलीका सामान बरामद गरेको छ ।

कैलालीको धनगढी उपमहानगरपालिका–२, त्रिवेणीघाटमा भारतबाट अवैध रूपमा भन्सार छली नेपाल ल्याउँदै गरेको तीन लाख सात हजार ३६० रुपैयाँबराबरको कपडा र चप्पल बरामद गरिएको हो । सो सामान बोक्न प्रयोग गरिएको इलेक्ट्रिक रिक्सा र पेट्रोल अटो समेत बरामद गरिएको सशस्त्र प्रहरी बल नेपाल नम्बर ३४ गण हेडक्वार्टर कैलालीले जनाएको छ ।

सामान तथा अटो रिक्सा आवश्यक कारबाहीका लागी कैलाली भन्सार कार्यालयमा बुझाइएको सशस्त्र प्रहरीले जनाएको छ ।