वीरगंज | भारतले पहिलो पटक क्रिकेट विश्वकप जितेको झण्डै ४० वर्ष भइसकेको छ। यो शताब्दीका क्रिकेट समर्थकहरुलाई यो पुरानो कथा जस्तै लाग्न सक्छ। विशेष गरी जसले भारतलाई लगातार जितेको मात्र होइन विश्व क्रिकेटमा प्रभुत्व जमाउँदै, चार वर्षमा दुई पटक विश्व च्याम्पियन बनेको देखेका छन्। तर, त्यतिबेला भारतका लागि एक खेल जित्नु पनि सपनाभन्दा कम थिएन।

त्यही कथालाई देखाइएको छ चलचित्र ‘८३’ मा। यो चलचित्र त्यो समयको पुन: लाइभ जस्तै छ। सन् १९८३ को विश्वकपमा भारतले आठ खेल खेलेको थियो र लगभग सबै आठ खेलको कथा यो चलचित्र मा देखाइएको छ। चलचित्र हेरेपछि अचम्मको यात्रा हो जस्तो लाग्छ। त्यसबेलासम्म भारतले विश्वकपमा दुई टिमलाई हराउन सकेको थियो। सन् १९७५ को विश्वकपमा भारतीय टोलीले पूर्वी अफ्रिकालाई हराएको थियो। सन् १९८३ को विश्वकपमा भारत अस्ट्रेलिया, वेस्ट इन्डिज र जिम्बाब्वेको समूहमा थियो र सबै टोलीसँग दुई–दुई खेल खेलेको थियो।

भारतीय टोलीले विश्व च्याम्पियन वेस्ट इन्डिजविरुद्ध अप्रत्याशित जित दर्ता गर्‍यो र त्यसपछि जिम्बावेलाई पराजित गर्‍यो। तर, त्यसपछि अस्ट्रेलिया र वेस्ट इन्डिजसँग लगातार दुई खेलमा ठूला हार बेहोरेको छ। अब जिम्बाब्वेविरुद्धको पाँचौं खेल गर या मरको खेल थियो। यस खेलमा भारत १७ रनमा ५ विकेटको स्थितिमा लडिरहेका थिए। तर, उक्त खेलमा कपिल देवले १७५ रनको विश्व कीर्तिमानी इनिङ्स खेल्दै भारतलाई जित दिलाए।यस फिल्मको सबैभन्दा महत्त्वपूर्ण दृश्य कपिल देवको १७५ रनको इनिङ्स थियो, जुन बीबीसीले टिभीमा देखाएको थिएन। तर, यो चलचित्रमा त्यो इनिङ्सलाई देखाउने प्रयास गरिएको छ।