वीरगन्ज । जिल्ला प्रहरी कार्यालय पर्साले सरकारी कागज छाप दस्तखत किर्ते मुद्दाका फरार प्रतिवादीलाई पक्राउ गरेको छ ।सूचना परिचालन र प्रहरी कारवाहीको सिलसिलामा पर्साको पर्सागढी नगरपालिका वडा नम्बर ५ बस्ने ४८ वर्षीय मदन मिश्रलाई इलाका प्रहरी कार्यालय पटेर्वासुगौलीको टोलीले पक्राउ गरेको छ ।
पर्सा जिल्ला अदालतले २०७५ भदौ १५ गते १ वर्ष कैद र १ करोड २५ लाख जरीवाना तोकेदेखि फरार रहेका मिश्र आफ्नै गाउँघरमा लुकीछिपी बस्दै आएको सूचनाका आधारमा पर्सागढी नगरपालिका वडा नम्बर २ बागवानाबाट पक्राउ परेका हुन् ।
पक्राउ परेका मिश्रलाई शुक्रवार नै जिल्ला अदालतमा बुझाइने पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताए ।
