महोत्तरी । महाेत्तरीकाे सुन्दरपुर स्थित पाेखरीमा डुबेर वेपत्ता भएका पुरूषकाे शव आज विहान फेला परेको छ।
सोनमा गाउँपालिका ७ सुन्दरपुर स्थित जनता माबि बिधालयको पोखरीमा विहिवार देखि एक पुरुष डुबेर वेपत्ता भएकाे थियोे ।

उनि नुहाउने क्रममा बेपत्ता भएकाे स्थानीयले जनाएकाे छ। फेला परेकाे शव स्थानीय ५० वर्षिय खुईला भनिने उपेन्द्र बैठाकाे रहेको छ।उनि मलामि बाट फर्केर नुहाउने क्रममा बेपत्ता भएका थिए।

स्थानीयका अनुसार मलामि बाट फर्केर सबै जना पोखरीमा नुहाउन गएको तर खुईला पोखरीबाट बाहिर नआएर पोखरीमा डुबेर हराएकाे थियोे ।स्थानीयले खबर गरेपछि अहिले प्रहरीको टोली घटना स्थल खाेतलास गरेपनि शव भेटिएकाे थिएन ।

साँझ परेर अन्ध्यारो भएकोले खोज्न समस्या भएको प्रहरीले जनाएको थियोे । तर आज विहानै देखि स्थानीयहरूले माछा मार्ने महाजाल पाेखरीमा हालेर खाेज्न थाले पछि शव फेला परेकाे हाे।