बीरगञ्ज । बीरगञ्ज महानगरपालिका वडा नं. १२ मुर्लीमा बाटो बिग्रेर ५ वटा विद्यालयका विद्यार्थीहरुलाई विद्यालय आवत जावत गर्न कठिनाई हुनुका साथै स्थानीयहरुको समेत आवागमनमा कठिनाई भए पछि बन्ने भएको छ बाटो ।
वर्षातको बेला मुर्लीको सो बाटो बिग्रेर विद्यार्थीहरु तथा सर्वसधारणलाई कठिनाई हुदा स्थानीयहरु बाटो मर्मत गर्नको लागि समाजिक संजाल तथा बिभिन्न समाचार माध्यमबाट बनाउन दवाव दिएका थिए ।
सोही दवाव पछि बीरगञ्ज महानगरपालिकाका मेयर विजय कुमार सरावगीले आज बाटो निर्माणको लागि स्थलगत निरिक्षण गरेका छन् । सो अवसरमा मेयर सरावगीले विग्रेको बाटोको निरिक्षण गर्दै महानगरले बाटो सक्दो मर्मत गर्ने आश्वासन दिएका थिए ।
स्थलगत निरिक्षणको बेला मेयर सरावगी, विमपा वडा नं. १२ का वडाअध्यक्ष रामदरश कुशवाहा, वडा सदस्य रमेश साह कानु, शसक्त युवा समुहका प्रमोद मंडल, अनिल महतो स्थानीय लालचन महतो धानुक विध्या सदन स्कुलका प्राध्यापक लालबहादुर गुरुंग लगायतको उपस्थिति रहेको थियो ।
