वीरगन्ज । राष्ट्रिय परीक्षा बोर्डले कक्षा १२ को परीक्षा भदौ अन्तिम सातादेखि सञ्चालन गर्ने तयारी गरेको छ ।

कोरोना महामारीको कारण अन्तिममा आएर स्थगित परीक्षा भदौ अन्तिमसातादेखि लिने बोर्डको तयारी छ ।

कक्षा १२ का विद्यार्थीलाई प्रवेशपत्रका आधारमा खोप उपलब्ध गराउने स्वास्थ्य तथा जनसंख्या मन्त्रालयले व्यवस्था गरेको छ ।

विद्यार्थीलाई खोप लगाउन सुरु भएसंगै बोर्डले परीक्षा सञ्चालनको तयारी गरिरहेको बोर्डका सदस्य सविच दुर्गा अर्यालले बताए ।

भौतिक उपस्थितिमै परीक्षा लिने गरी एक साताभित्र परीक्षाको नयाँ तालिका सार्वजनिक गर्ने गृहकार्य भइरहेको राष्ट्रिय परीक्षा बोर्डले जनाएको छ ।