रौतहट । रौतहटमा रासायनिक मलको अभाव भएको छ । रौतहटमा आयआर्जनको माध्यम रहेको धान खेतीका लागि आवश्यक रासायनिक मल यति बेला चरम अभाव भएको छ । रौतहटका अधिकांस स्थानिय तहहरुमा धान खेतीमा रासायनिक मल हाल्ने समय भएकाले किसानहरु मलको खोजीमा भौतारिदै हिडिरहेका छन ।

धान रोपाइ पछि धानबालीका लागि आवश्यक पर्ने युरिया, डिएपी र पोटासजस्ता रासायनिक मल पाउन नसकिएकोले किसानहरूको अहिले चिन्तित रहेको छ । मल वितरणको लागी सहकारी संस्थाहरुलाई मात्र दिएकाले अन्य एग्रोभेट तथा बिउबिजन पसलहरुमा रासायनिक मल खरिद विक्रि नहुने र सहकारी संस्थाहरुले किसानहरुलाई आवश्यक मल उपलब्ध गराउन नसकेको किसानहरुले गुनासो गरेका छन ।

आवश्यक मल नपाउदा धान बिग्रने र उत्पालनमा कमी आउने भन्दै सहकारी संस्थालाई मात्र नभइ एग्रोभेट , बिउबिजन पसलहरुमा समेत मलखाद विक्रिवितरणको ब्यबस्था गर्नु पर्ने आइटी आर्मी रौतहटको सयोजक नरेश साह तुरहाले बताउनु भयो ।

एग्रोभेट तथा बिउबिजन पसलहरुमा रासायनिक मल खरिद विक्रिमा बढी मुल्य लिएर बिक्री गर्ने एग्रो भेट तथा बिउ बिजन पसललाई अनुगमन गर्नु पर्ने र किसानहरु ठगिएमा आइटी आर्मी रौतहट को सयोजकको तर्फ बाट कडा भन्दा त्यस्ता एग्रो भेट र पसल लाइ कानुनी दायरामा ल्याएर पर्तिकार गर्ने तुरहाले भनेका छन्। किसानहरु मलको समस्या चाडै भन्दा चाडै समस्या समधान होस् सम्बन्धित निकाय संग जोडदार माग समेत गरेका छन्।