वीरगञ्ज । वीरगञ्ज माहानगरपालिकाको ९ औँ नगर सभा अधिवेसन सम्पन्न भएको छ । यहाँस्थित क्लार्क्स रिजोर्टमा सम्पन्न ९ औं नगरसभाबाट महानगरपालिकाले ३ अर्ब ५५ करोड ३९ लाख रुपैयाँको बजेट ल्याएको छ । 
प्रदेश २ मा रहेको एकमात्र महानगर वीरगञ्ज महानगरपालिकाले आगामी आर्थिक वर्षका लागि ३ अर्ब ५५ करोड ३९ लाखको बजेट ल्याएको छ।महानगरको नवौँ नगरसभामार्फत बिहीबार महानगरले ०७८।७९ का लागि बजेट ल्याएको हो। नवौं नगर सभा अधिवेशनमा ०७८।७९ को बजेट तथा नीति कार्यक्रम महानगरकी उपप्रमुख शान्ति कार्कीले प्रस्तुत गरेकी थिइन्।
बजेटमा चालुतर्फ १ अर्ब ८६ करोड ३५ लाख ४२ हजार ९ सय तथा पुँजीगततर्फ १ अर्ब ६२ केरोड ३३ लाख ३० हजार १ सय र वित्तीयतर्फ ६ करोड ७० लाख ६४ हजार बजेट विनियोजन गरिएको छ।बजेटमा आर्थिक विकास क्षेत्रमा १० करोड ८ लाख ३० हजार, र पूर्वाधार विकास क्षेत्रमा १ अर्ब ३५ करोड ६६ लाख १८ हजार, सामाजिक विकासमा १ अर्ब १५ करोड ५८ लाख ७२ हजार विनियोजन गरिएको छ।
यस्तै, सुशासन तथा अन्तरसम्बन्धी क्षेत्रतर्फ १३ करोड ३२ लाख ७४ हजार र कार्यालयतर्फ ८० करोड ७३ लाख ४३ हजार विनियोजन गरिएको छ।नवौँ नगरसभामा महानगरका ३२ वटै वडाका वडाध्यक्षहरूको सहभागिता रहेको छ। औद्योगिक तथा व्यापारिक सहर, सुसंस्कृत सभ्य हाम्रो महानगर’ भन्ने मूुल नाराका नवौ नगर सभाको अहिले बन्द सत्र चलिरहेको छ।
