वीरगन्ज । वातावरण विभागले ४० माइक्रोन भन्दा पातला प्लास्टिक उत्पादन रोक्ने पूर्वतयारी गर्न उद्योगहरूलाई आग्रह गरेको छ । सरकारले आउँदो साउन १ गतेदेखि ४० माइक्रोन भन्दा पातला प्लास्टिकमा प्रतिबन्ध लगाउने जानकारी गराउँदै त्यसअघि नै पातला प्लास्टिककाे उत्पादन रोक्न भनेको हो ।

विभागका महानिर्देशक मुकुन्दप्रसाद निरौलाले प्रेस विज्ञप्ति निकालेर अहिले पातला प्लास्टकि उत्पादन गरिरहेका उद्योगहरूले मेसिनको पाटपुर्जा परिवर्तन गरेमा त्यसको खर्च अनुदान स्वरूप उपलब्ध गराउने जानकारी गराउनुभएको छ ।

सरकारले आउँदाे वर्षको बजेटमा साउन १ गतेदेखि ४० माइक्रोन भन्दा पातला प्लास्टिकमा प्रतिबन्ध लगाउने घोषणा गरेको छ । विभागले व्यापारिक प्रतिष्ठानहरूमा प्लास्टिक झोलाको सट्टा सुती, जुट वा कागजका झोला प्रयोग गर्न पनि आग्रह गरेको छ ।