एजेन्सी । कोरोनाका कारण सिर्जित लकडाउनले मनोरञ्जन क्षेत्रमा पनि ठूलो असर गरेको छ । भारतीय सिने जगत यसबाट विमुख छैन । यहाँ धेरै मानिसहरु आर्थिक कमजोरीको सामना गरिरहेका छन् । अहिले वेव सिरीज मिर्जापुरमा गुड्ड भईयाका बाबुको भूमिका निभाउने अभिनेता राजेश तैलंग एक भाइरल तस्विरका कारण चर्चामा छन् ।

यस तस्विरमा उनले सडकमा लड्डु बेचिरहेको देखिन्छ । राजेशले आफ्नो सोशल मिडिया एकाउन्टमा पनि यो फोटो शेयर गरेका छन् । उनले लकडाउन र कोरोनालाई लिएर टिप्पणी पनि गरेका छन् ।
तस्विरमा राजेशले लेखेका छन्, ‘लकडाउन खुलोस् । कोरोना जाओस्, तब फेरि काममा लाग्नेछौँ ।’ तस्विरमा उनी सडकमा राम लड्डु बेचिरहेको अवस्थामा देखिन्छन् ।

लकडाउनका कारणले धेरै कलाकारहरु आर्थिक समस्यामा छन् । तर रोश तैलंग साँच्चै आर्थिक समस्याका कारण यो काम गरिरहेका छन् वा सुटिङका दौरान भन्ने स्पष्ट भएको छैन । राजेशले वेव सिरीजहरुमा उत्कृष्ट अभिनय गर्ने गरेका छन् । मिर्जापुरबाहेक दिल्ली क्राइम, क्र्याकडाउनलगायत सिरीजहरुमा उनी देखिइसकेका छन् । उनले धेरै फिल्महरूमा पनि काम गरेका छन् ।