वीरगंज | नेपाल राष्ट्र बैंकले सोमबार आठ अर्ब १० करोड रुपैयाँ बराबरको ट्रेजरी बिल बिक्री गर्ने भएको छ।केन्द्रीय बैंकले बोलकबोलको प्रक्रियामार्फत उक्त ट्रेजरी बिल बिक्री गर्न लागेको हो। बैंकका अनुसार २८ दिने अवधिका लागि ५ अर्ब बराबरको ट्रेजरी बिल बिक्री गर्न लागिएको छ।

उक्त बिल आगामी वैशाख १४ गते परिपक्व हुनेछ।यस्तै १० करोड रुपैयाँ बराबरको ट्रेजरी बिल भने ९१ दिनका लागि बिक्री गर्न लागिएको हो। उक्त बिल आगामी असार १५ गते परिपक्व हुनेछ।

यसैगरी १८२ दिनका लागि ३ अर्ब रुपैयाँ बराबरको बिल बिक्री गरिने छ। उक्त बिल आगामी असोज १२ गते परिपक्व हुनेछ।
यसअघि बैंकले यही चैत ९ गते १५ अर्ब ३३ करोड बराबरको ट्रेजरी बिल बिक्री गरेको थियो।