वीरगंज संजालपोखरिया । राजन कुमार बानिया । सशस्त्र प्रहरी बल बोर्डर आउट पोष्ट भिस्वा बंजारीले पर्सा जिल्लाको छिपहरमाई गाउँपालिका वार्ड नं ५ भिस्वा नाका हुँदै नेपाल भित्रिरहेको लागू औषध नियन्त्रणमा लिन सफल भएको छ ।
लागू औषध नेपाल भित्रयाउन लागेको बिशेष सूचनाको अधारमा बोर्डर आउट पोस्ट भिस्वा बन्जारी का सशस्त्र प्रहरी निरीक्षक सन्जिप बानियाको कमान्डमा खटिएको टोलिले लागू औषध नियन्त्रणमा लिन सफल भएको हो ।
प्रहरीलाई देख्न बितिकै तस्करले सो लागू औषधको झोला फालेर भागेका थिए । सशस्त्र प्रहरीले जनाए अनुसार मंगलबार बिहान करीब साढे १० बजेको समयमा भारतबाट लूकाइ छिपाइ ल्यादै गरेको अवस्थामा ९ सय ४९ पिस प्रतिबन्धित लागू औषध बरामद गरेको जनाए ।
प्रतिबन्धित लागू औषध फेनेर्गन ३ सय ४९ पिस, नोफिन ३ सय ५० र डाइजोपान २ सय ५० पिस बरामद भएको सशस्त्र प्रहरी निरीक्षक सन्जिप बानियाले जनाएका छन । बराम्मद भएको लागू औषध ईलाका प्रहरी कार्यालय पोखरियामा बुझाएको सशस्त्र प्रहरी उपरक्षक राजेन्द्र खडका ले जनाएका छन ।
