वीरगंज। जिल्ला प्रहरी कार्यालय पर्साले जंगल फडानी गरेर अवैध रुपमा लैजाँदै गरेको सालको काठसहित १ जनालाई पक्राउ गरेको छ ।

जिल्ला प्रहरी कार्यालय पर्साबाट खटिएको प्रहरी टोलिले वीरगञ्ज महानगरपालिका वडा न. १५ प्रतिमा चोकबाट ना २ त ७९०५ नम्बरको ट्याकटरबाट टेलारीको मुनि लुकाएर लैजाँदै गरेको अवस्थामा ८.५८ क्युविक फिट सालको काठ बरामद गरेको छ ।

काटसहित बाराको प्रसौनि गाउँपालिका वडा न. ५ बस्ने २३ वर्षिय सरोज कुमार साहलाई पनि प्रहरीले नियन्त्रणमा लिएको छ । बरामद काठलाई ट्याक्टरसहित थप कारवाहीका लागी डिभिजन वन कार्यालय पर्सामा बुझाइएको प्रहरीले जनाएको छ ।