बलिवुड अभिनेता अक्षयकुमारको नयाँ फिल्म लक्ष्मी बमको अफिसियल ट्रेलर शुक्रबार रिलिज गरिएको छ |युट्युबमा रिलिज गरिएको ट्रेलरलाई लाइक वा डिसलाइक गरेको संख्या नदेखाउने व्यवस्था गरिएकोमा अक्षयकुमारको आलोचना भएको छ ।

युट्युबमा भिडियोलाई लाइक र डिसलाइक गर्न त मिल्छ तर कुल कति लाइक र डिसलाइकको संख्या भने देखाउदैन । यसअघि आलिया भट्ट र अनन्या पाण्डेको फिल्मको ट्रेलर रिलिज हुदा रेकर्ड डिसलाइक भएको थियो । आलियाको फिल्म सडक-२ को ट्रेलरको डिसलाइक मात्र १३ मिलियन रहेको छ जबकी लाइक ७ लाख ३० मात्र रहेको छ ।

अनन्या पाण्डेको फिल्म खाली पिलीको ट्रेलरलाई  एक लाख ६६ हजार डिसलाइक र ५६ हजार लाइक रहेको छ ।फिल्मको ट्रेलरमा लाइक-डिस लाइकको संख्या नदेखाउदा अक्षयकुमार पनि डराएको देखिएको छ । अहिले बलिवुडका सेलिब्रेटीविरुद्धको अभियानबाट बच्न र अक्षयकुमारले आफु विरुद्ध हुनसक्ने डिसलाइकको अभियानलाई रोक्न यस्तो कदम चालेको बताइएको छ ।

लक्ष्मी बम फिल्म भुतको बारेमा बनाइएको छ । कमेडी जनरामा बनाइएको यो फिल्मको ट्रेलर निकै रोचक रहेको छ । कोरोना महामारीका कारण सिनेमा हल बन्द भएकाले ओटीटी प्लेटफर्म डिज्नी प्लस हटस्टारमा नोभेम्बर ९ मा रिलिज हुने यो फिल्मले दर्शकलाई डर र कमेडीले मनोरंजन गराउने देखिएको छ ।कोरोना महामारीपछि रिलिज हुने यो अहिलेसम्मकै ठुलो फिल्म मानिएको छ ।

फिल्ममा अक्षयका अलावा अभिनेत्री कियारा अडवाणीले अभिनय गरेका छन् । फिल्मलाई राघव लवरेन्सले निर्देशन गरेका चाहन भने फिल्मलाई फक्स स्टार स्टुडियो र अक्षयकुमारको कम्पनि कप अफ गुड फिल्म्स, तुषार इन्टरटेनमेन्ट हाउस र शबिना इन्टरटेनमेन्टले बनाएका हुन् ।