नेपाल र भारत निर्माण हुनुभन्दा पहिल्यै देखीको मधेशसंग भारतको सम्बन्ध छ, मधेशको संस्कृतिमाथि प्रहार गर्न खोजिए सडक र सदन दुबै अवरोध हुन्छ ः सांसद यादव

हामी रहुँ या नरहुँ मधेशको मुद्दा रही रहन्छ, मधेशको संस्कृतिमाथि प्रहार गर्न खोजिए सडक र सदन दुबै अवरोध हुन्छ ः सांसद यादव

असार ९ काठमान्डाौं÷ भारतबाट बिहे गरेर आउने चेलीहरुलाई सात वर्षपछि मात्र बैबाहिक अंगीकृत नागरिकता दिने निर्णयले मधेशमा फेरी ठुलो प्रहार भएको सांसद प्रदिप यादवको आरोप छ ।

मंगलबार प्रतिनीधी सभा सदनमा बोल्दै सांसद यादवले नेपाल र भारत निर्माण हुनुभन्दा पहिल्यै देखीको मधेशसंग भारतको युपी, बिहार लगायतको ठाउँमा परिवारिक, धार्मिक र संस्कृति सम्बन्ध रहेकोले नेकपा र राज्य व्यवस्था तथा सुशासन समितिले गरेको निर्णयले युगौं युगौंदेखि चल्दै आएको सम्बन्धमाथि ठुलो प्रहार भएको आरोप लगाएका हुन ।

सभामुख मार्फत राज्य व्यवस्था तथा सुशासन समितिलाई आग्रह गर्दै उनले अहिले पनि समय छ, निर्णय सचियाईयोस्, नेकपाको वर्तमान सरकारले मधेशमाथि प्रहार गरी मधेशका जग्गा चाँही नेपालको हो तर मधेशमा बस्ने मधेशी चाही भारतीय हो जस्तो व्यवहार गरिरहेको आरोप लगााए ।

हामी तराई, पहाड र हिमाललाई समेटेर एकताको सन्देश दिन लागेपनि नेकपाले मधेशमाथि प्रहार गरिरहेकोले एकता पनि अनेकता भईरहेको सांसद यादवको भनाई छ । उनले भने,‘हामी रहुँ या नरहुँ मधेशको मुद्दा रही रहन्छ, कसैको च्यापेर वा मारेर मर्न सक्दैन, मुद्दा रही हरन्छ ।’’

बिहे भएको एक वर्षमै बच्चा जन्मिने बताउँदै सांसद यादवले भने, ‘‘ बिना नागरिकताको एउटा सिम कार्ड पनि निकाल्न सकिदैन, बैंकमा खाता खोल्न पाईदैन, लोक सेवा आयोगकाो फरम पनि भर्न सकिदैन र अबको आउने दिनमा त बिना नागरिकताले पानी पनि नपाउँने भएकोले भारतीय चेली नेपालमा बिहे गरेर आएपछि के गर्छ सभामुख महोदय ?’’

एक जना भन्छ एक हातमा सेन्दुर अनि एक हातमा नागरिकता, यस्तो पनि कही हुन्छ सभामुख महोदय भन्दै सांसद यादवले व्यङ्ग आक्रोस पोखे । मधेशको महिला एकचोटी सेन्दुर लगाएपछि आफ्नो पतिलाई परमेश्वर ठान्छ । सेन्दुर लगाएदेखी नै त्यो महिलाको सारा संसार नै पति रहेको हाम्रो संस्कृति रहेकोले मधेशको संस्कृतिमाथि प्रहार गर्न नेकपा र राज्य व्यवस्था तथा सुशासन समितिले ल्याएको नागरिकता संशोधन विधेक जबरजस्ती लाद्न खोजिए सदन र सडक दुबै अवरोध हुने सांसद यादवले चेतावनी दिए ।