काठमाडौं | नेपालमा थप दुई जनामा कोरोनाभाइरस (कोभिड–१९)को संक्रमण पुष्टि भएको छ ।

उदपयुरकी ५५ वर्षीया महिला र जनकपुरका १४ वर्षीय किशोरमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

उदयपुरकी संक्रमित त्रियुगा नगरपालिका -३ भुल्केकी हुन् । त्यस क्षेत्रमा अहिलेसम्म २५ जनामा संक्रमण देखिएको छ ।

उनीहरु सबैको विराटनगरस्थित कोरोना विशेष (अस्थायी) अस्पतालमा उपचार भइरहेको छ ।

योसँगै नेपालमा कोरोना संक्रमणको संख्या ४७ पुगेको छ भने ९ जना निको भएर घर फर्किसकेका छन् ।