काठमाडौं । उदयपुरका ८ जनामा कोरोनाभाइरस संक्रमण पुष्टि भएको छ । उदयपुरबाट संकलन गरिएको नमुना धरानस्थित विपी कोइराला स्वास्थ्य विज्ञान प्रतिस्ठानको

ल्याबमा परीक्षण गर्दा ८ जनाको नमुना पोजेटिभ आएको स्वास्थ्य मन्त्रालय स्रोतले जानकारी दिएको छ । अहिले संक्रमण देखिएका आठ जना त्यसै मस्जिद क्षेत्र वरपरका वासिन्दा हुन् ।

यसअघि आजै उदयपुरका एकजनालाई कोरोना संक्रमण पुष्टि भएको थियो । सोमबारकै नियमित पत्रकार सम्मेलनमा मन्त्रालयका प्रवक्ता डा. विकास देवकोटाले उदयपुरमा थप एकजनामा संक्रमण पुष्टि भएको बताएका थिए।

त्यसअघि सोहि जिल्लामा १३ जना संक्रमित भेटिएका छन्।  यो सहित नेपालमा कोरोना संक्रमितको संख्या ४० जना पुगेको छ।