काठमाडौँ |  सामाजिक शिक्षाको परीक्षामा कम नम्बर ल्याएको भन्दै विगत १२ वर्षदेखि अध्यापनरत शिक्षिका सीतालक्ष्मी कर्माचार्यले गएको हप्ता कक्षा ६ र ७ मा अध्ययनरत ३० भन्दा बढी विद्यार्थीलाई ब्लेडले हात चिर्न लगाएकी थिइन् ।

विद्यार्थीलाई आफ्नै हात ब्लेड (पत्ति)ले चिर्न लगाएर ‘निर्मम’ सजाय दिने शिक्षिकालाई बर्खास्त गरी अनुसन्धान सुरु गरिएको काठमाडौँको जडिबुटी स्थित जागृति एकेडेमीले जनाएको छ ।राम्रो नम्बर नल्याउने विद्यार्थीलाई शिक्षिकाले पेन्सिल सार्पनरको ब्लेडले नाडीमा काट्न लगाएकी हुन् । २० पूर्णाङ्क मध्ये १५ अंक भन्दा कम ल्याउने विद्यार्थीलाई शिक्षिकाले हात काट्न लगाएकी हुन् । प्रहरीले पनि घटनाबारे अनुसन्धान थालेको छ ।