मकवान | मकवानपुरको इलाका प्रहरी कार्यालय नेवारपानीबाट खटिएको प्रहरीले करिब १३ किलो अवैध लागूऔषध गाँजासहित पर्सा पर्सौनी गाउँपालिका–८ बस्ने ४९ वर्षीय बृजलाल जयसवाललाई पक्राउ गरेको छ।ना३प ६८०९ नम्बरको मोटरसाइकल जाँच गर्ने क्रममा मोटरसाइकलमा सवार उनलाई उक्त परिमाणको लागूऔषधसहित प्रहरीले पक्राउ गरेको हो ।

बाँकेको नेपालगंज उपमहानगरपालिका–१५ जमुनाह चेक प्वाईन्टबाट अवैध लागूऔषध ब्राउनसुगर ९ सय मिलिग्राम सहित खजुरा गाउँपालिका–३ बस्ने २० वर्षीय तुल बहादुर गुरुङलाई आइतबार दिउँसो प्रहरीले पक्राउ गरेको छ।इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजको संयुक्त टोलीले जाँच गर्ने क्रममा गुरुङलाई उक्त परिमाणको लागूऔषधसहित पक्राउ गरेको हो। घटनाका सम्बन्धमा स्थानीय प्रहरीले थप अनुसन्धान गरिरहेको छ।nepalnews